我做完心理諮詢之後，我發現自己與其他人溝通得更好，諗嘢冇以前咁負面，個人充滿住正能量，仲可以喺偶爾Inspire身邊嘅人添。多得STEPHEN嘅一席話，我喺工作上不論處理同同事或上司嘅關係時，交際能力亦有所提升，唔再怕同其他人接觸，更樂於同身邊人建立友好關係。

喺做心理諮詢前，我對於自己生存喺哩個世界抱有好負面嘅睇法，點解自己總比其他人不幸？點解其他人總活得比我精彩？更有多次自殘經歷及自殺念頭。同STEPHEN傾完之後，我慢慢開始明白、接受哩個世界人人都總會遇上不幸，認為不幸嘅降臨並冇咩大不了，至少我宜家仍然生存、行得走得做到好多其他人做唔到嘅事。宜家嘅我更可以以自身轉變嘅心路歷程，影響番身邊對生存係咪有意義存疑嘅人，用生命影響生命。

以前嘅我十分倔強、性格十分剛烈，同老公三日一小吵，五日一大吵，可以話係日日家嘈屋閉。經過心理諮詢，慢慢明白到我同老公係因為成長環境或者成長嘅經歷有好大嘅差異，導致我同佢嘅性格，可以話係南轅北轍。雖然做完諮詢後，我哋嘅關係冇可能一時三刻變到完全冇任何爭執，但至少我哋宜家喺發生爭執時，唔再第一時間用發脾氣或者惡言相向解決，而係選擇求同存異，一人向大家行一步企喺對方角度停一停、諗一諗，了解咗對方嘅出發點先畀反應。

因為我好憎自己有個日日聽到父母嘈交嘅屋企，每日放工之後會刻意行街、睇戲、食飯到午夜甚至凌晨先番屋企，慢慢…我開始由憧憬婚姻生活，變得開始思考到底結婚嘅意義係咩？同女朋友拍拖將近10年，女朋友近期亦開始同我提及到係時候結婚，否則就分開。經STEPHEN諮詢後，我意識到婚後仍需要經營關係，上一輩嘅婚姻生活點影響我唔係最重要..只要我調節好心態，將來用心同老婆建立一個和諧嘅家，其實結婚又有咩好怕喎。

因為自己嘅成長環境，同埋同父母關係差到一個極點嘅關係，好擔心會影響到將來阿仔出世之後可唔可以處理好我同佢嘅關係。宜家諮詢完咗，我反而感激我有咁嘅成長經歷做一個反面教材，令我警惕自己唔可以步父母後塵利用小朋友做磨心，更唔可以一下子將自己嘅情緒胡亂發洩喺小朋友身上，明白到有時需要企喺小朋友嘅角度出發，先係同小朋友建立良好溝通嘅橋樑。

初為人父母，對於點樣教小朋友，應該點喺對佢嘅期望同佢嘅自然發展之間攞個平衡，一開始真係完全冇概念可言。一次又一次諮詢，慢慢有咗個廊，大概明白到作為家長唔可以將自己未能達成嘅成就，因為私慾將期望強行加諸喺小朋友身上。惟有畀小朋友根攄佢自己嘅興趣同喜好發展，我哋做家長只做一個緩衝嘅角色，小朋友先可以發揮出最大嘅潛能。